తమిళనాడులో ప్రమాదం... అనంత జిల్లా వాసులకు గాయాలు

అనంతపురం జిల్లా హిందూపురం పట్టణానికి చెందిన వ్యక్తులు తమిళనాడులో రోడ్డు ప్రమాదానికి గురయ్యారు. రెండు కార్లు ఢీకొన్న ఘటనలో ముగ్గురికి తీవ్ర గాయాలు కాగా...వారిని తమిళనాడులోని రాజాజీ ఆస్పత్రికి తరలించి చికిత్స అందిస్తున్నారు.

తమిళనాడులోని మధురై సమీపంలో జరిగిన రోడ్డు ప్రమాదంలో రాష్ట్రానికి చెందిన ముగ్గురికి గాయాలయ్యాయి. అనంతపురం జిల్లా హిందూపురం పట్టణానికి చెందిన సంగీత, ప్రవీణ్, కిరణ్... ఓ ప్రైవేట్ కారులో మధురై-దిండిగల్ జాతీయ రహదారి-44పై మధురై వెళ్తున్నారు. ఈ క్రమంలో వీరు ప్రయాణిస్తున్న కారు ద్విచక్రవాహనాన్ని తప్పించబోయి... మరో కారును ఢీకొంది. ఈ ప్రమాదంలో కేరళ రాష్ట్రానికి చెందిన ముగ్గురు, తమిళనాడు రాష్ట్రానికి చెందిన ఒకరు అక్కడికక్కడే మృతిచెందారు. రాష్ట్రానికి చెందిన ముగ్గురు గాయపడ్డారు. క్షతగాత్రులను తమిళనాడులోని రాజాజీ ఆస్పత్రికి తరలించి చికిత్స అందిస్తున్నారు.

ఇదీ చదవండీ... అండగా నిలవాల్సిన ప్రభుత్వమే... ఇలా చేస్తే ఎలా...?