Ben stokes Ireland test : ఇంగ్లాండ్ టెస్ట్ కెప్టెన్ బెన్ స్టోక్స్ అరుదైన ఘనతను సొంతం చేసుకున్నాడు. టెస్ట్ క్రికెట్ చరిత్రలోనే బ్యాటింగ్, బౌలింగ్, వికెట్ కీపింగ్ చేయకుండా మ్యాచ్ గెలిచిన ఫస్ట్ కెప్టెన్గా నిలిచాడు. ఐర్లాండ్‌తో(England vs Ireland test match) జరిగిన ఏకైక టెస్ట్ మ్యాచులో విజయం సాధించడంతో స్టోక్స్ ఈ ఫీట్ అందుకున్నాడు. శనివారం ముగిసిన ఈ మ్యాచ్లో సమష్టిగా రాణించిన ఇంగ్లాండ్ 10 వికెట్ల తేడాతో గెలుపొందింది. విజయానికి కావలసిన పరుగులను కేవలం నాలుగు బంతుల్లోనే సాధించింది.
Ben stokes ashes 2023 : యాషెస్ సిరీస్ కోసం.. మోకాలి గాయంతో ఇబ్బంది పడిన బెస్ స్టోక్స్.. చాలా రోజులుగా బౌలింగ్ చేయడం లేదు. ఇక ఈ మ్యాచ్లోనూ ఫీల్డింగ్ మినహా బ్యాటింగ్, బౌలింగ్ ఏమీ చేయలేదు. పూర్తి ఫిట్‌నెస్ సాధించినప్పటికీ.. రాబోయే యాషెస్ సిరీస్ కోసం ప్రస్తుత మ్యాచ్లో రిస్క్ తీసుకోలేదు. మిగతా ప్లేయర్స్ కూడా ఈ మ్యాచ్‌ను.. వార్మప్గా భావించి ఆడుతూ పాడుతూ గెలిచేశారు.
ఇక ఈ మ్యాచ్లో ఫస్ట్ ఇన్నింగ్స్లో ఐర్లాండ్ 172 పరుగులు చేయగా.. ఓలిపోప్(208 బంతుల్లో 205; 22x4, 3x6) డబుల్ సెంచరీ బాదడంతో ఇంగ్లాండ్ 524/4 స్కోర్ వద్ద డిక్లేర్ చేసింది. ఇక రెండో ఇన్నింగ్స్లో ఐర్లాండ్ 362 పరుగులకు ఆలౌటైంది. దీంతో ఇంగ్లాండ్ ముందు కేవలం 11 పరుగుల లక్ష్యం మాత్రమే నిలిచింది. దాన్ని ఓపెనర్‌ జాక్‌ క్రాలే ఫస్ట్ ఓవర్‌ మొదటి, మూడు, నాలుగు బంతులను బౌండరీలు బాది విజయాన్ని ఖాయం చేశాడు. గత 13 మ్యాచ్‌లలో ఇంగ్లాడ్కు ఇది 11వ విజయం కావడం విశేషం.
ఐపీఎల్లోనూ ఆడకుండానే..
Ben stokes injury ipl 2023 : ఈ ఐపీఎల్ 16వ సీజన్లో చెన్నై సూపర్ కింగ్స్ టైటిల్ విజేతగా నిలిచింది. ఫైనల్లో గుజరాత్ టైటాన్స్ను ఓడించింది. అయితే అసలీ సీజన్ కోసం అత్యంత ఎక్కువ ధర రూ.16.25కోట్లు పెట్టి మరీ స్టోక్ట్స్ను కొనుగోలు చేసింది చెన్నై సూపర్ కింగ్స్. కానీ అతడు రెండు మ్యాచులు మాత్రమే ఆడాడు. టోర్నీ ప్రారంభంలోనే గాయం కారణంగా మిగతా మ్యాచుల నుంచి వైదొలిగాడు. కాగా, స్టోక్స్.. న్యూజిలాండ్‌తో జరిగిన ప్రపంచ కప్ 2019, పాకిస్థాన్‌తో జరిగిన టీ20 ప్రపంచ కప్ 2022, 2019 యాషెస్ సిరీస్ మూడో టెస్టులో.. ఒంటిచేత్తో ఇంగ్లాండ్ను విజయాల్ని అందించాడు. అందుకే సీఎస్కే అతడిని ఎక్కువ ధర పెట్టి మరీ కొనుగోలు చేసింది. కానీ అది వృథా అయిపోయింది.
ఇవీ చదవండి:
IPL 2023 : కాస్ట్లీ ప్లేయర్స్.. 10 మందిలో ఆడింది ముగ్గురే!
Team India New Jersey : డబ్ల్యూటీసీ ఫైనల్స్కు న్యూ జెర్సీ.. ధర ఎంతంటే ?
