Jawaan prevue : అభిమానులు ఎంతో ఆసక్తిగా ఎదురుచూస్తున్న బాలీవుడ్ బాద్ షా షారుక్ 'జవాన్' నుంచి అదిరిపోయే అప్డేట్ బయటకు వచ్చింది. ప్రివ్యూ పేరుతో 2:12 నిమిషాల నిడివి గల వీడియోను రిలీజ్ చేసింది మూవీటీమ్. ఈ ప్రచార చిత్రం ఆద్యంతం... అదిరిపోయే డైలాగ్లు, యాక్షన్ సన్నివేశాలతో, కళ్లు చెదిరే విజువల్స్తో అభిమానులను ఆకట్టుకునేలా ఉంది. ఒక్క మాటలో చెప్పాలంటే గూస్బంప్స్ తెప్పిస్తుంది.
ఈ ప్రచార చిత్రంలో అట్లీ మార్క్‌ యాక్షన్ బాగా కనపడింది. తల్లికిచ్చిన మాట. నేరవేరని లక్ష్యం. ఈ రెండింటి కారణంగా ఓ మంచి వ్యక్తి చెడ్డవాడిలా ఎందుకు మారాడు? లేదంటే మారినట్టు నటిస్తున్నాడా? అనే పలు ప్రశ్నలతో ఈ ప్రచార చిత్రం ఆకట్టుకుంది. 'ఎవరు నేను. ఎవరినీ కాను. తెలియదు. తల్లికి ఇచ్చిన మాట కావచ్చు. నెరవేరని లక్ష్యం కావచ్చు. నేను మంచివాడినా, చెడ్డవాడినా, పుణ్యాత్ముడినా, పాపత్ముడినా, నీకు నువ్వు తెలుసుకో. ఎందుకంటే నేనే నువ్వు. రెడీ... పేరు తెలుసుకో' అంటూ షారుక్ స్టైలిష్ లుక్, ఆయనకు ఇచ్చిన ఎలివేషన్ అదిరిపోయింది. ఓ వైపు పోలీస్ ఆఫీసర్గా, మరోవైపు జవాన్గానూ షారుక్ ఆకట్టుకున్నారు. అలాగే ముఖానికి ముసుగు వేసుకుని, పవర్ఫుల్ మాస్ అవతార్లోనూ అదిరిపోయారు. ఇక చివర్లో గుండు గెటప్లో కనిపించి అందర్నీ ఆశ్చర్యపరిచారు. సీరియస్గా ఉంటూనే ఫన్నీగా డ్యాన్స్ చేస్తూ కామెడీ చేశారు. అలానే 'ఇది ఆరంభం మాత్రమే', 'నేను విలన్ అయితే ఏ హీరో నా ముందు నిలబడలేదు' అంటూ షారుక్ డైలాగ్లు హైలైట్గా నిలిచాయి.
jawaan cast and crew : ఇక హీరోయిన్గా నయనతార స్టైలిష్ లుక్, మధ్యలో దీపికా పదుకొణె ఫైటింగ్ సీక్వెన్స్ కూడా అదిరిపోయాయి. విజయ్ సేతుపతి క్యారెక్టర్‌, లుక్ను అంతగా రివీల్ చేయలేదు. అయితే ఆయన పాత్ర మాత్రం అదిరిపోతుందని టాక్ వినిపిస్తోంది. బ్యాక్గ్రౌండ్ మ్యూజిక్ కూడా సీన్కు తగ్గట్టు ఎలివేషన్ ఇస్తూ హైలైట్గా నిలిచింది. ఇక ఈ ప్రచార చిత్రం చూసిన అభిమానులు.. షారుక్కు మరో బ్లాక్ బాస్టర్ హిట్ ఖాయమని ఫిక్స్ అయిపోయారు.
jawaan theatrical rights : ఇక రీసెంట్గా ఈ సినిమా నాన్‌ థియేట్రికల్‌ రైట్స్ రూ.250 కోట్లకు కొనుగోలు చేశారని వార్తలు వచ్చాయి. పైగా' పఠాన్' వంటి బ్లాక్ బాస్టర్ ఇండస్ట్రీ హిట్ తర్వాత వస్తున్న సినిమా కావడం వల్ల.. జవాన్పై భారీ హైప్ నెలకొంది. ఈ చిత్రాన్ని రెడ్‌ చిల్లీ ఎంటర్‌టైనమెంట్స్‌ బ్యానర్‌పై రూపొందిస్తున్నారు. షారుక్ భార్య గౌరీ ఖాన్‌ నిర్మాతగా వ్యవహరిస్తున్నారు.
- " class="align-text-top noRightClick twitterSection" data="">
ఇదీ చూడండి :
షూటింగ్లో షారుక్కు ప్రమాదం.. ఇప్పుడు ఆయన ఎలా ఉన్నారంటే?
వామ్మో.. సల్మాన్, షారుక్ బాడీగార్డుల శాలరీ అంతా?.. భారీగానే ఇస్తున్నారుగా!
