వేరే వ్యక్తితో వివాహేతర సంబంధం పెట్టుకొని కుటుంబం పరువు తీసిందన్న కోపంతో తన కోడల్ని మామ హత్య చేశారు. ఈ దారుణ ఘటన తూర్పుగోదావరి జిల్లా మలికిపురం మండలం మేడిచర్లపాలెంలో చోటుచేసుకుంది. కేసుకు సంబంధించిన పూర్తి వివరాలు మలికిపురం ఎస్సై నాగరాజు వెల్లడించారు. గ్రామానికి చెందిన చొప్పల సత్యనారాయణ... కుమారుడు విజయకుమార్కు ప్రియమణి అనే యువతితో గతంలో వివాహం జరిగింది. అయితే విజయకుమార్.. ఉపాధి నిమిత్తం గల్ఫ్లో ఉంటున్నాడు. ఈ క్రమంలో ప్రియమణి స్థానికంగా ఉన్న వేరే సామాజిక వర్గానికి చెందిన ఓ యువడితో వివాహేతర సంబంధం పెట్టుకుంది. అయితే 6ఏళ్లు తన కుమారుడుతో అత్తమామలతో కలిసి ఉంటున్న ప్రియమణి.. పది రోజుల క్రితం ఆ యువకుడితో వెళ్లిపోయింది. ఈమేరకు సత్యనారాయణ.. మలికిపురం స్టేషన్లో ఫిర్యాదు చేశారు. కేసు నమోదు చేసి పోలీసులు వాళ్లిద్దరిని పట్టుకొచ్చి కౌన్సెలింగ్ ఇచ్చిన అనంతరం ప్రియమణిని సత్యనారాయణ ఇంటికి పంపించారు.
మామ.. కోడలు మధ్య వాగ్వాదం
ఈ నేపథ్యంలో తిరిగి ఇంటికి వెళ్లిన కోడలు.. మామ మధ్య వాగ్వాదం జరిగింది. కోపోద్రిత్తుడైన సత్యనారాయణ.. ప్రియమణిపై కత్తితో దాడి చేయగా.. ఆమె అక్కడికక్కడే మృతి చెందింది. ఈ క్రమంలో అడ్డుగా వచ్చిన ప్రియమణి తల్లి మంజులకు స్వల్ప గాయలయ్యాయి. అనంతరం నిందితుడు నేరుగా పోలీస్ స్టేషన్ వచ్చి లొంగిపోయాడు. ఇంటి పరువు తీస్తుందనే హత్య చేసినట్లు ఒప్పుకున్నాడు. ఈ హత్యపై కేసు నమోదు చేసి రాజోలు సీఐ దుర్గాశేకర్ రెడ్డి పర్యవేక్షణలో దర్యాప్తు చేస్తున్నట్లు ఎస్సై నాగరాజు తెలిపారు.
ఇదీ చదవండి:
RUIA CASE: భార్యపై అనుమానంతో హత్య.. కరోనా మృతిగా చిత్రీకరణకు యత్నం
