కృష్ణాజిల్లా కృత్తివెన్ను మండలంలో గ్యాంగ్ రేప్ కలకలం సృష్టించింది. పదో తరగతి చదువుతున్న మైనర్ బాలికను ముగ్గురు యువకులు అత్యాచారం చేసిన ఘటన ఆలస్యంగా వెలుగులోకొచ్చింది. మండలంలోని చినపాండ్రక గ్రామానికి చెందిన బాలిక మచిలీపట్నంలో పదో తరగతి చదువుతోంది. అదే గ్రామానికి చెందిన మహేష్ అనే యువకుడు రెండ్రోజుల క్రితం బాలికకు మాయమాటలు చెప్పి.. సమీపంలోని పశువుల పాకలోకి తీసుకెళ్లాడు. కొద్దిసేపటికి అతని మిత్రులు అంత బాబు, తరుణ్లు కూడా చావిడికి చేరుకున్నారు.
వారు ముగ్గురూ కలిసి బాలికపై అత్యాచారానికి పాల్పడ్డారు. విషయం బయటకు చెబితే.. నిన్ను చంపేస్తామని బెదిరించారు. అత్యాచారం, భయంతో.. వణికిపోయిన బాలిక అత్యాచార ఘటనను ఎవరికీ చెప్పలేదు. బాలిక నలతగా ఉండటంతో.. తల్లిదండ్రులు ఆరా తీశారు. మహేశ్, అంతబాబు, తరుణ్లు తనపై అత్యాచారానికి పాల్పడినట్లు బాలిక తెలిపింది. వెంటనే తండ్రి స్థానికి పోలీసులకు ఫిర్యాదు చేశాడు. నిందితుల్లో ఇద్దరు మైనర్లు కావడంతో... ఐపీసీ సెక్షన్ 376 రెడ్ విత్ 34, పోక్సొ చట్టం సెక్షన్ 5(a) రెడ్ విత్ 6 కింద కేసులు పోలీసులు నమోదు చేసి దర్యాప్తు చేస్తున్నారు.
ఇదీ చూడండి: Fire accident: రిఫ్రిజిరేటర్‌లో మంటలు చెలరేగి వృద్ధురాలి మృతి
