తెలంగాణ రాష్ట్రంలోని హైదరాబాద్(Hyderabad) పంజాగుట్ట పీఎస్ పరిధిలోని ద్వారకాపురి కాలనీలో.. నాలుగేళ్ల బాలిక అనుమానాస్పద స్థితి(Suspicious death)లో మృతి చెందింది. ఓ దుకాణం ముందు పాప మృతదేహం పడి ఉండటంతో.. స్థానికులు గుర్తించి పోలీసులకు సమాచారం అందించారు. ఘటనాస్థలానికి చేరుకున్న పోలీసులు.. బాలిక మృతదేహాన్ని ఉస్మానియా మార్చురీకి తరలించారు.
బాలిక ఒంటిపై ఎలాంటి గాయాలు లేవని పోలీసులు వెల్లడించారు. పాపకు సంబంధించిన తల్లిదండ్రులు, బంధువులు ఎవరూ రాలేదని పేర్కొన్నారు. బాలికది సాధారణ మరణమా..? లేక ఎక్కడైనా హత్య చేసి ఇక్కడికి తీసుకొచ్చి పడేశారా? అనే కోణంలో దర్యాప్తు చేస్తున్నారు. చుట్టుపక్కల పోలీస్ స్టేషన్‌లలో బాలిక తప్పిపోయిన కేసులేమైనా ఉన్నాయా అని పంజాగుట్టు పోలీసులు వివరాలు సేకరిస్తున్నారు.
