కాటేదాన్ పారిశ్రామికవాడలో భారీ అగ్నిప్రమాదం.. రెండు గోదాంలు దగ్ధం
హైదరాబాద్‌ కాటేదాన్ పారిశ్రామికవాడలో భారీ అగ్నిప్రమాదం సంభవించింది. రెండు గోదాములు అగ్ని ప్రమాదానికి గురయ్యాయి. స్పాంజ్‌ గోదాములో ముందుగా మంటలు చెలరేగాయి. దాన్ని ఆనుకొని ఉన్న ప్లాస్టిక్‌ వ్యర్థాల గోదాముకు మంటలు వ్యాపించాయి.
సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని నాలుగు అగ్నిమాపక శకటాలతో రెండున్నర గంటల పాటు శ్రమించి మంటలను అదుపులోకి తీసుకువచ్చారు. అర్ధరాత్రి కావడం వల్ల గోదాముల్లో ఎవరూ లేకపోవడంతో పెను ప్రమాదం తప్పింది. విద్యుదాఘాతం కారణంగానే ప్రమాదం జరిగి ఉంటుందని అధికారులు భావిస్తున్నారు.
ఇదీ చూడండి:
Afghan crisis: G7 Summit: అఫ్గాన్‌ పరిణామాలపై జీ-7 కూటమి సమావేశం
