అక్రమంగా విదేశాల నుంచి తెస్తున్న బంగారాన్ని తెలంగాణలోని శంషాబాద్ విమానాశ్రయంలో డీఆర్ఐ, కస్టమ్స్ అధికారులు స్వాధీనం చేసుకున్నారు. రెండు ఘటనల్లో దాదాపు రెండున్నర కిలోల బంగారం దొరికిందని అధికారులు తెలిపారు. దుబాయ్ నుంచి హైదరాబాద్‌కు వచ్చిన ఓ విమానంలో బంగారాన్ని తరలిస్తున్నట్లుగా అధికారులను సమాచారం అందింది.
శంషాబాద్ ఎయిర్‌పోర్టుకు చేరుకోగానే అధికారులు ఆ విమానాన్ని తనిఖీ చేశారు. ఓ సీటు కింద లైఫ్‌ జాకెట్‌లో దాచిన 2 కిలోల 300 గ్రాముల బంగారం బిస్కట్లను స్వాధీనం చేసుకున్నారు. ఆ సీటులో ప్రయాణికుడి వివరాల కోసం ఆరా తీస్తున్నారు. మరో ఘటనలో కువైట్ నుంచి వచ్చిన ఓ ప్రయాణికుడి నుంచి 160గ్రాముల బంగారాన్ని స్వాధీనం చేసుకున్నారు. ఈ రెండు ఘటనల్లో స్వాధీనం చేసుకున్న బంగారం విలువ కోటి రూపాయల వరకు ఉంటుందని అధికారులు అంచనా వేస్తున్నారు.
ఇదీ చదవండి: మహిళా దినోత్సవ సందర్భంగా కేక్ చేసిన సీఎం జగన్
