తుది నివేదిక సమర్పించేందుకు సిట్ సిద్ధం..!

విశాఖ భూములకు సంబంధించి ఏర్పాటైన ప్రత్యేక దర్యాప్తు బృందం.. తన తుది నివేదికను సమర్పించేందుకు సిద్ధమవుతోంది. తమ సిఫార్సులు ప్రభుత్వానికి నివేదిక రూపంలో ఇచ్చేందుకు రంగం సిద్ధం చేస్తున్నామని సిట్ ఛైర్మన్ డాక్టర్ విజయ్​కుమార్ వెల్లడించారు.

విశాఖ భూములకు సంబంధించిన అవకతవకలపై ఏర్పాటైన ప్రత్యేక దర్యాప్తు బృందం.. తన తుది నివేదికను సమర్పించేందుకు సిద్ధమవుతోంది. డిసెంబర్ మొదటి వారంలో ఈ నివేదిక ప్రభుత్వానికి సమర్పించే అవకాశం ఉంది. ఇప్పటికే సేకరించిన వివరాలను పూర్తిస్థాయిలో సీల్డ్ పెట్టెల్లో తిరిగి ఆయా విభాగాలకు పంపేందుకు సిద్ధం చేశారు. కొవిడ్ కారణంగా దాదాపు 8 నెలల పాటు ప్రభుత్వానికి నివేదిక ఇవ్వడం అలస్యమైంది.

జనవరిలో మధ్యంతర నివేదిక ఇచ్చిన డాక్టర్ విజయ్​కుమార్ నేతృత్వంలో సిట్ బృందం తుది నివేదిక ఇచ్చే ముందు ప్రజల నుంచి సూచలను, సలహాలను కొరింది. ఈ మెయిల్ ద్వారా దాదాపు 150 వరకు సలహాలు వచ్చాయి. గతంలో కంటే దాదాపు 20కి పైగా కొత్త ఫిర్యాదులను సిట్ పరిశీలించింది. తమ సిఫార్సులు ప్రభుత్వానికి నివేదిక రూపంలో ఇచ్చేందుకు రంగం సిద్ధం చేస్తున్నామని సిట్ ఛైర్మన్ డాక్టర్ విజయ్​కుమార్ వెల్లడించారు.

ఇదీ చదవండి: