ఈ నెల 6న విశాఖలోని అంబేడ్కర్ నగర్ సమీపంలో రూపేష్ అనే వ్యక్తి ద్విచక్రవాహనంపై వెళ్తున్నాడు. ఆ సమయంలో రూపేష్ పక్క నుంచి రాంబాబు.. ఆటో నడిపాడు. దీంతో ఆగ్రహావేశానికి గురైన రూపేష్ తన వద్ద ఉన్న బటన్ నైఫ్తో ఆటోడ్రైవర్ రాంబాబు ఛాతీలో గట్టిగా పొడిచి పరారయ్యాడు. కత్తి గాయంతో తీవ్ర రక్తస్రావమై, అపస్మారక స్థితిలో ఉన్న రాంబాబును స్థానికులు గుర్తించి, అతని కుటుంబసభ్యులకు సమాచారం అందించారు.
స్థానికుల సమాచారంతో ఘటనాస్థలానికి చేరుకున్న కుటుంబసభ్యులు.. రాంబాబును ఆస్పత్రికి తరలించారు. అప్పటికే తీవ్ర రక్తస్రావం కావడంతో రాంబాబు చనిపోయినట్లు వైద్యులు తెలిపారు. ఈ ఘటనపై కేసు నమోదు చేసుకున్న పోలీసులు.. నిందితుడు రూపేష్ ను అరెస్టు చేశారు. అనంతరం రిమాండ్కు తరలించారు. నిందితుడిపై గతంలో పలు కేసులున్నాయని తెలిపారు.
ఇదీచదవండి.
