Murder in Gajuwaka: విశాఖ గాజువాక హైస్కూల్ రోడ్డు సమీపంలోని పెంటయ్య నగర్లో దారుణ హత్య జరిగింది. తెల్లవారుజామున రమణ అనే యువకుడిని కిరాతంగా చంపి... గాజువాక పోలీస్ స్టేషన్లో నిందితుడు యేసురాజు లొంగిపోయాడు. గాజువాకలోని చికెన్ సెంటర్లో రమణ, యేసురాజు ఇద్దరు నెలవారీ జీతానికి పని చేస్తూ... పెంటయ్య నగర్లోని ఓ ఇంటిలో అద్దెకు ఉంటున్నారు.
నిన్న రాత్రి ఇద్దరి మధ్య చిన్న గొడవ ఏర్పడి తర్వాత సర్దుకొని ఇద్దరూ పడుకున్నారు. తెల్లవారుజామున 4 గంటలకు మళ్లీ అదే విషయం మీద ఇద్దరి మధ్య తగాదా ఏర్పడింది. పక్కనే ఉన్న ఇనుప గొట్టంతో రమణ తలపై యేసురాజు కొట్టడంతో రమణ అక్కడికక్కడే మృతి చెందాడు. తర్వాత యేసురాజు గాజువాక పోలీసుస్టేషన్కు వెళ్లి 'రమణను చంపేసాను' అని లొంగిపోయినట్లు పోలీసులు తెలిపారు.
ఇవీ చదవండి:
