ఆంధ్ర వైద్య కళాశాలకు అనుబంధంగా ఉన్న కింగ్జార్జి ఆసుపత్రి ఇప్పుడు కొవిడ్ అనంతర ఫంగస్ చికిత్సకు సిద్ధమైంది. వివిధ జిల్లాల నుంచి బ్లాక్ ఫంగస్ బాధితులు ఇక్కడ చికిత్స పొందుతున్నారు. జిల్లా కలెక్టర్ వినయ్ చంద్... బ్లాక్ ఫంగస్కు ప్రత్యేక చికిత్స అందించాలని బెడ్లను ఏర్పాటు చేయించారు. సీరియస్ కేసులు ఇక్కడకే రావడం వల్ల వెనువెంటనే శస్త్రచికిత్సలను చేయాల్సి వస్తోంది.
కొవిడ్ ఫస్ట్ వేవ్లోనూ చికిత్సలో వాడిన స్టెరాయిడ్లు, ఆక్సిజన్ వంటివే రెండో వేవ్లో రోగులకు వాడుతున్నారని... అందువల్ల బ్లాక్ ఫంగస్ వస్తోందన్న అంశంపైన ఆధ్యయనం సాగుతోందని నిపుణులు చెబుతున్నారు. ఇది ప్రభావం ఏరకంగా చూపిస్తోందో... అధ్యయనాల్లోనే తేలాల్సిందే. కేజీహెచ్లో సూపర్ స్పెషాలిటీ వైద్యులు అందుబాటులో ఉండడంవల్ల మెరుగైన చికిత్స అందుతోంది. భయం వీడి... లక్షణాలు ఏమాత్రం కన్పించినా వెంటనే అసుపత్రికి వచ్చి చికిత్స తీసుకోవాలని వైద్య నిపుణులు సూచిస్తున్నారు.
ఇదీ చదవండీ... Anandayya Medicine : ఆనందయ్య ఔషధంపై నేడు చివరి నివేదిక : ఆయుష్ కమిషనర్
