రాష్ట్రపతి పర్యటనపై సీఎస్ సమీక్ష.. అధికారులకు దిశానిర్దేశం

విశాఖ కలెక్టరేట్​లో అధికారులతో సీఎస్ సమీక్ష నిర్వహించారు. ఈనెల 21 రాష్ట్రపతి పర్యటన సందర్భంగా తీసుకోవాల్సిన చర్యలపై దిశానిర్దేశం చేశారు. ఎలాంటి ఇబ్బందులూ తలెత్తకుండా సమన్వయంతో పని చేయాలన్నారు.

విశాఖలో ఈనెల 21 జరగనున్న ప్రెసిడెంట్ ఫిలిం రివ్యూతోపాటు 27, 26 తేదీల్లో జరగనున్న మిలన్ విన్యాసాలపై సీఎస్ సమీక్షించారు. విశాఖ కలెక్టరేట్​లో అధికారులతో భేటీ అయిన సీఎస్.. ఏర్పాట్ల వివరాలను అడిగి తెలుసుకున్నారు. బీచ్ రోడ్డు సుందరీకరణకు సంబంధించి చర్యలు వేగవంతం చేయాలని స్పష్టం చేశారు.

అన్ని విభాగాలూ సమన్వయంతో పని చేయాలని దిశానిర్దేశం చేశారు. రాష్ట్రపతి పర్యటనలో ఎలాంటి లోటుపాట్లూ లేకుండా చూసుకోవాలని ఆదేశించారు. బీచ్ రోడ్​తోపాటు నేవీ ప్రాంతంలోనూ ఇందుకోసం చేపట్టిన ఏర్పాట్లను సీఎస్ స్వయంగా పరిశీలించారు.

ఇదీ చదవండి