తెదేపా పొలిట్ బ్యూరో సభ్యులు వర్ల రామయ్య
డీజీపీ హైకోర్టుకు వచ్చి సంజాయిషీ ఇవ్వడం భారతదేశ చరిత్రలో ఎన్నడూ లేదని తెదేపా పొలిట్ బ్యూరో సభ్యులు వర్ల రామయ్య దుయ్యబట్టారు. రాష్ట్రంలో అస్తవ్యస్థ అరాచక పాలన సాగుతోందని ఆయన మండిపడ్డారు. పోలీస్ చరిత్రలో మార్చి 12 ఓ చీకటి రోజన్న వర్ల... తప్పు చేసిన వారిలా డీజీపీ అలా నిలబడటానికి ముఖ్యమంత్రే బాధ్యులని ధ్వజమెత్తారు. సీఎం ఆలోచన సరళిని అనుసరించటం వల్లే డీజీపీ సవాంగ్ దాదాపు 6 గంటలు కోర్టులో ఉండాల్సి వచ్చిందని మండిపడ్డారు. జరిగిన పరిణామాలకు సీఎం రాజీనామా చేసి తలదించుకోవాలని వర్ల డిమాండ్ చేశారు. పోలీసు వ్యవస్థ నడవడిక మీద ఏ స్థాయిలో అసంతృప్తి ఉందో నిన్న బయటపడిందని దుయ్యబట్టారు. పోలీసు అధికారులు సంఘం ఇప్పుడు కూడా హైకోర్టు మీద తొడకొట్టి మీసాలు మెలేస్తుందా అని నిలదీశారు.
ఇవీ చదవండి:
