తెదేపా హయాంలో ప్రజలకు ఉచితంగా పండుగ కానుకలు ఇస్తే...నేడు పస్తులుండే పరిస్థితిని తీసుకొచ్చారని తెదేపా మహిళనేత వంగలపూడి అనిత దుయ్యబట్టారు. ప్రజలపై పన్నుల భారం మోపి సంపద పోగేసుకోవటమే లక్ష్యంగా పాలన సాగిస్తున్నారా ? అని ప్రభుత్వాన్ని ప్రశ్నించారు. ఆదాయం సృష్టించటం చేతకాక పప్పు బెల్లాలపై పన్నులు విధించడంతో పాటు ఉల్లి, క్యారెట్ ధరలు రూ. 120కి పైగా ఎగబాకేలా చేశారని మండిపడ్డారు. పెరుగుతున్న ధరలపై కనీసం సమీక్షించారా ? అని నిలదీశారు. ఆర్భాటాల కోసమే ధరల స్థిరీకరణ నిధి ప్రకటన చేశారని విమర్శించారు.
ఇదీచదవండి
