కృష్ణా జిల్లా విజయవాడ చిట్టినగర్లో విషాదం చోటు చేసుకుంది. నగరంలోని టూటౌన్ చిట్టినగర్ సొంరంగం సమీపంలో ట్రాక్టర్.. ద్విచక్రవాహనం ఢీకొన్నాయి. ఈ ఘటనలో బైకుపై వెళ్తున్న తల్లీకొడుకులు మృతి చెందారు. మృతులు నగరంలోని చిట్టినగర్ కలరా ఆసుపత్రి సమీపంలో నివాసముంటున్న తాడిశెట్టి సామ్రాజ్యం, తాడిశెట్టి వెంకటేశ్వరరావుగా పోలీసులు గుర్తించారు.
మృతుల్లో సామ్రాజ్యం మున్సిపల్ కాంట్రాక్టు పారిశుద్ధ్య కార్మికురాలిగా పని చేస్తుండగా.... మృతుడు వీఎమ్సీలో శానిటరి మేస్త్రీగా పని చేస్తూ జీవనం సాగిస్తున్నారు. రోజు తమ కళ్లముందే తిరిగే తల్లీకొడుకులు రోడ్డు ప్రమాద రూపంలో మరణించడాన్ని తోటి సిబ్బంది జీర్ణించుకోలేకపోతున్నారు.
ఇదీ చూడండి:
