'రాజధానిని అమరావతిలోనే కొనసాగించేలా ఒత్తిడి తెస్తాం'

ఈ నెల 5న జరిగే చంద్రబాబు అధ్యక్షతన జరిగే సమావేశంపై తెదేపా నేతలు చర్చించారు. వైకాపా మినహా అన్ని రాజకీయ పార్టీలు, మేధావులు, నిపుణులను పిలవాలని నిర్ణయించారు.

రాజధానిని అమరావతిలోనే కొనసాగించేలా ప్రభుత్వంపై ఒత్తిడి తీసుకొస్తామని తెదేపా నేత అచ్చెన్నాయుడు స్పష్టం చేశారు. ఇందులో భాగంగా ఈ నెల 5న విజయవాడలో చంద్రబాబు నాయుడు అధ్యక్షతన రౌండ్ టేబుల్‌ సమావేశం నిర్వహిస్తున్నామని తెలిపారు. ఈ సందర్భంగా సమావేశం నిర్వహణ ఏర్పాట్లను ఆ పార్టీ ముఖ్యనేతలు విజయవాడ కేశినేని భవన్‌లో భేటీ అయ్యి చర్చించారు. వైకాపా మినహా రాష్ట్రంలోని అన్ని రాజకీయ పార్టీలు, ప్రజాసంఘాలను సమావేశానికి ఆహ్వానిస్తున్నామని చెప్పారు.

ఇవీ చూడండి-'ఆంగ్ల మాధ్యమంలో చదివిన వ్యక్తులు జైలుకు ఎందుకు వెళ్లారు..?'