నేతల అరెస్టులపై మానవ హక్కుల కమిషన్​కు తెదేపా ఫిర్యాదు

జాతీయ మానవ హక్కుల కమిషన్‌కు తెలుగుదేశం నేతలు ఫిర్యాదు చేశారు. అచ్చెన్నాయుడు, జేసీ ప్రభాకర్‌రెడ్డి, అస్మిత్ రెడ్డి అరెస్టుల తీరును కమిషన్ దృష్టికి తీసుకెళ్లారు.

అచ్చెన్నాయుడు అరెస్టు తీరుపై జాతీయ మానవ హక్కుల కమిషన్​కు టీడీఎల్పీ ఉపనేత రామానాయుడు ఫిర్యాదు చేశారు. జేసీ ప్రభాకర్​ రెడ్డి, అస్మిత్ రెడ్డి అరెస్టుల తీరుపై ఎమ్మెల్సీ శ్రీనివాసులు ఫిర్యాదు చేశారు. ప్రభుత్వ ప్రతీకార చర్యలతో మానవ హక్కుల ఉల్లంఘన జరుగుతోందని ఫిర్యాదులో పేర్కొన్నారు. అరెస్టు అమానుషమే కాకుండా సహజ న్యాయ సూత్రాలకు విరుద్ధంగా ఉందని కమిషన్​కు తెలిపారు.

ఇదీ చదవండి: వైకాపాలో ‘ఎంపీ’ కలకలం