వైద్యుల కుటుంబాలను ఆదుకోవాలని.. చంద్రబాబు లేఖ

కరోనాపై పోరాడుతున్న వైద్యులకు ప్రభుత్వం ఆర్థిక సాయం అందించాలని తెదేపా అధినేత చంద్రబాబు డిమాండ్​ చేశారు. కరోనా బారిన పడి ప్రాణాలు కోల్పోయిన వైద్యుల కుటుంబసభ్యులకు ప్రభుత్వ ఉద్యోగం ఇవ్వాలని ప్రభుత్వానికి చంద్రబాబు లేఖ రాశారు.

ప్రభుత్వానికి చంద్రబాబు లేఖ

కరోనా రోగులకు వైద్యం చేస్తూ.. ప్రాణాలు కోల్పోయిన వైద్యులు కుటుంబాలను ఆదుకోవాలని ప్రభుత్వానికి చంద్రబాబు రాసిన లేఖలో పేర్కొన్న అంశాలు..

• కరోనా బారి నుంచి ప్రజల ప్రాణాలు కాపాడే పోరాటంలో మృతి చెందిన వైద్యుల కుటుంబసభ్యులకు ప్రభుత్వ ఉద్యోగాలు ఇవ్వాలి
• చనిపోయిన డాక్టర్లు, వైద్య సిబ్బంది అంత్యక్రియలను ప్రభుత్వ లాంఛనాలతో జరపాలి
• ఆగస్ట్ 15, జనవరి 26 వంటి జాతీయ పర్వ దినాల్లో వారికి ప్రత్యేక పురస్కారాలు ఇచ్చి గౌరవించి సముచితంగా సత్కరించాలి
• డాక్టర్లు, వైద్యసిబ్బందికి నాణ్యమైన రక్షణ ఉపకరణాలు(పీపీఈలు) ఇవ్వడంతో పాటు ప్రత్యేక ప్యాకేజి అదనంగా ప్రకటించాలి
• కరోనా పోరులో డాక్టర్లు, వైద్య సిబ్బంది చేస్తున్న త్యాగాలు వెలకట్టలేనివి
• కరోనా నుంచి ప్రజల ప్రాణాలు కాపాడేందుకు వైద్యుల సేవలు చిరస్మరణీయం
• వైద్యులు తమ ప్రాణాలను పణంగా పెట్టి కరోనాపై పోరాటం సాగిస్తున్నారు
• వారికి అందరూ పూర్తిగా సహకరించాలి
• ప్రాణదాతలుగా వారిని అందరూ గౌరవించాలి
• యుద్దభూమిలో సైనికుల్లా డాక్టర్లు, వైద్య సిబ్బంది కరోనా నుంచి పోరాడుతున్నారు
• వారి సేవలను అందరూ స్ఫూర్తిగా తీసుకోవాలి.

ఇదీ చూడండి కేంద్రమంత్రి జైశంకర్​కు చంద్రబాబు లేఖ.. కారణం ఇదీ..!