''ఏపీతో కలిసి పనిచేసేందుకు సింగపూర్ ఎప్పుడూ సిద్ధమే''

దక్షిణ భారత సింగపూర్ కాన్సులేట్ జనరల్ పోంగ్ కాక్ టియాన్.. బుధవారం సీఎస్ సుబ్రమణ్యంతో భేటీ అయ్యారు. సింగపూర్ ప్రతినిధులతో కలిసి సీఎస్​ను కలుసుకున్న టియాన్ పలు అంశాలపై చర్చించారు.

దక్షిణ భారతదేశంలో సింగపూర్ కాన్సులేట్ జనరల్​గా నియమితులైన పోంగ్ కాక్ టియాన్ రాష్ట్ర సచివాలయంలో సీఎస్ ఎల్వీ సుబ్రమణ్యంతో మర్యాదపూర్వకంగా భేటీ అయ్యారు. రాజధాని నిర్మాణం, గతంలో సింగపూర్ ప్రభుత్వం అందించిన మాస్టర్ ప్లాన్, స్టార్టప్ ఏరియా అభివృద్ధి తదితర అంశాలపై చర్చించారు. ఆంధ్రప్రదేశ్​తో కలసి పనిచేసేందుకు సింగపూర్ ఎప్పుడూ సిద్ధంగా ఉంటుందని వెల్లడించారు. ప్రస్తుతం రాష్ట్రంలో ఏర్పడిన కొత్త ప్రభుత్వ ప్రాధాన్యతలను సీఎస్ సుబ్రమణ్యం.. సింగపూర్ ప్రతినిధులకు వివరించారు. కాన్సులేట్ జనరల్​తో పాటు సింగపూర్​కు చెందిన ప్రతినిధుల బృందం ఈ భేటీకి హాజరైంది.

ఇదీ చదవండి : సిసోడియాతో సింగపూర్ కౌన్సిల్ జనరల్ భేటీ