వైకాపా నేతలు సవాల్ చేసి తోక ముడిచే బ్యాచ్: లోకేశ్

సవాల్ విసిరి పారిపోవటం వైకాపాకు కొత్త కాదని తెదేపా జాతీయ ప్రధాన కార్యదర్శి నారా లోకేశ్ దుయ్యబట్టారు. మహిళ ప్రాణాలు బలి తీసుకున్న అనపర్తి ఎమ్మెల్యే సవాల్ చేసి పారిపోయారని ఎద్దేవా చేశారు.

తెదేపా నేత రామకృష్ణారెడ్డి సవాల్​ను స్వీకరిస్తే ఆయన ఇంటి ముందు వందలాది పోలీసుల్ని పెట్టి యుద్ధ వాతావరణం సృష్టించడం ఏంటని నారా లోకేశ్ నిలదీశారు. వైకాపా నేతలు సవాల్ చేసి తోక ముడిచే బ్యాచ్ అనడానికి అనపర్తిలో జరుగుతున్న పరిణామాలే నిదర్శనమని లోకేశ్‌ విమర్శించారు. దీనికి సంబంధించి ఓ వీడియోను ఆయన తన ట్విట్టర్‌లో పోస్ట్‌చేశారు.

ఇదీ చదవండి: ఆన..పర్తి రాజకీయం.. సత్యప్రమాణాలతో గరం గరం