మోసం రెడ్డి.. కొత్త స్కీం మెుదలుపెట్టారు: లోకేశ్

శ్మశానాలకు పార్టీ రంగులు వేసుకునే జీవితాల్లో మార్పు ఎలా వస్తుందని తెదేపా జాతీయ ప్రధాన కార్యదర్శి నారా లోకేశ్​ విమర్శించారు. గతంలో చంద్రబాబు ఇచ్చిన ఇళ్లకు వైకాపా రంగులు వేసే కొత్త స్కీం మొదలుపెట్టి​ సీఎం జగన్​ మోసం రెడ్డి అయ్యారంటూ ట్వీట్ చేశారు.

మోసం రెడ్డి.. కొత్త స్కీం మెుదలుపెట్టారు: లోకేశ్

చంద్రబాబు హయాంలో, పేదలకు 5 లక్షలకు పైగా ఇళ్ల పట్టాలు ఇచ్చారని... దాదాపుగా 12 లక్షల మంది పేదలకు, అన్ని సౌకర్యాలతో ఇళ్లు కట్టించారని తెదేపా జాతీయ ప్రధాన కార్యదర్శి లోకేశ్ గుర్తు చేశారు. ఎక్కడా ఇబ్బంది లేకుండా ఈ ప్రక్రియ జరిగిందన్న లోకేశ్​.... ఇప్పుడు 25 లక్షల ఇళ్ల పట్టాలు అంటూ ఎస్సీలు, పేదల భూములు కొల్లగొడుతున్నారని దుయ్యబట్టారు. ప్రజల్ని మోసం చేసే బిల్డప్ స్కీమ్స్ ఎందుకని ముఖ్యమంత్రిని నిలదీశారు. రాజధానిలో కట్టించిన ఇళ్లకు సంబంధించిన ఫొటోలను తన ట్విటర్​లో లోకేశ్ పోస్ట్ చేశారు.