నా ఫోన్​ను కొండముచ్చు ఎత్తుకుపోయింది!

పోలీసు స్టేషన్​కు ఓ వ్యక్తి వచ్చాడు. తన సెల్ ఫోన్ చోరీకి గురైందని... ఫిర్యాదు చేశాడు. ఆయన ఫిర్యాదుకు పోలీసులు.. షాక్ అయ్యారు. ఫిర్యాదు చేస్తే షాక్ ఎందుకంటారా? అదంతే...చోరీ చేసింది.. ఏ గజ దొంగో కాదు. ఓ వానరం...ఎత్తుకెళ్లింది. ఎలా అంటారా?

గుంటూరు జిల్లా తాడేపల్లిలోని జెండా చెట్టు బజారులో.. తాపీ మేస్త్రి చాంద్ బాషా నివాసముంటాడు. తన ఇంటి వరండాలో మంచం మీద సెల్ ఫోన్ పెట్టి పక్కకు వెళ్లగా.. ఇంతలో అక్కడికొచ్చిన కొండముచ్చు.. ఆ ఫోన్​ను పట్టుకుని చెట్టెక్కేసింది. ఎంత ప్రయత్నించినా కొండముచ్చు ఫోన్ వదల్లేదు. చేసేదేమీ లేక చాంద్ బాషా పోలీసులను ఆశ్రయించాడు. తన సెల్​ఫోన్​ను కొండముచ్చు ఎత్తుకుపోయిందని ఫిర్యాదు చేశాడు. ఆ ఫిర్యాదుతో కంగుతిన్న పోలీసులు ఫోన్ ఎలా తీసుకురావాలా అని తలలు పట్టుకున్నారు.

ఇదీ చదవండి:

నా బంగారం, బుజ్జి... మందు తీసుకురా తల్లీ!