Botsa On swachh Amrut Mission Awards: స్వచ్ఛ అమృత్‌ మిషన్‌లో భాగంగా గతేడాది రాష్ట్రానికి 10 అవార్డులు వచ్చాయని పురపాలక శాఖ మంత్రి బొత్స సత్యనారాయణ అన్నారు. ఇవి గ్రాఫిక్స్ చూపిస్తే వచ్చిన అవార్డులు కాదన్న బొత్స.. స్వచ్ఛ మిషన్‌లో కృషి చేసిన అందరికీ కృతజ్ఞతలు తెలిపారు.
క్లీన్ ఆంధ్రప్రదేశ్ కార్యక్రమాన్ని కొనసాగిస్తూ..పలు కార్యక్రమాలు చేపట్టామన్నారు. చెత్త తరలింపు కోసం ప్రతి వార్డుకూ ఒక వాహనం ఇచ్చామని బొత్స వెల్లడించారు. రాష్ట్రంలో మరో 23 మున్సిపాలిటీలకు ఎన్నికలు జరగాల్సి ఉందన్నారు.
విశాఖలో పేదలకు ఇళ్లు ఇవ్వాలని నిర్ణయం తీసుకున్నామని మంత్రి బొత్స స్పష్టం చేశారు. ల్యాండ్ పూలింగ్ వెళ్తే.. ప్రజలు సంతోషంగా తమ స్థలాలను ప్రభుత్వానికి అప్పగిస్తున్నారన్నారు. సంక్షేమ కార్యక్రమాలు ఇష్టం లేని ప్రతిపక్షాలు.. కోర్టుల్లో కేసులు వేసి స్థలాలు ఇవ్వకుండా అడ్డు తగులుతున్నాయని అన్నారు.
ఇదీ చదవండి :
సామాన్యుల బ్యాంక్ ఖాతాల్లోకి పొరపాటున రూ.1,300 కోట్లు.. చివరకు...
