కరోనా బాధితులతో మంత్రి ఆళ్ల నాని వీడియో కాన్ఫరెన్స్

ప్రభుత్వ ఆసుపత్రుల్లో కరోనా బాధితులకు అందుతున్న చికిత్స, సదుపాయాలపై రాష్ట్ర ప్రభుత్వం ఆరా తీస్తోంది. ఈ మేరకు మంత్రి ఆళ్ల నాని కరోనా వైరస్ బారిన పడి చికిత్స పొందుతున్న వారితో వీడియో కాన్ఫరెన్స్ నిర్వహించనున్నారు.

కరోనా వైరస్ బారిన పడి చికిత్స పొందుతోన్న వారితో మంత్రి ఆళ్లనాని ఇవాళ వీడియో కాన్ఫరెన్స్ నిర్వహించనున్నారు. విజయవాడలోని ప్రభుత్వ హాస్పిటల్​లో చికిత్స పొందుతున్నబాధితులతో మంత్రి మాట్లాడనున్నారు. మధ్యాహ్నం 12 గంటలకు కలెక్టర్ కార్యాలయం నుంచి వీడియోకాన్ఫరెన్స్ నిర్వహిస్తారు. కొవిడ్ ఆస్పత్రిలో అందుతోన్న చికిత్స, సౌకర్యాలపై వారిని అడిగి తెలుసుకుంటారు.

ఇదీ చదవండి: రాష్ట్రంలో మరో 1322 మందికి కరోనా.. 20 వేలు దాటిన బాధితులు