రేషన్ సరుకుల పంపిణీ వ్యవస్థను మెరుగుపరచేందుకే ఈకేవైసీ విధానంను తెస్తున్నామని కృష్ణా, తూర్పుగోదావరి జిల్లాల కలెక్టర్లు ఇంతియాజ్, మురళధర్ రెడ్డి లు ప్రకటించారు. ఈకేవైసీ అప్ డేట్ చేయించుకోకపోతే, రేషన్ కార్డులు తొలగిస్తారన్న పుకార్లను నమ్మొద్దని వారు సూచించారు. ఈకేవైసీ కోసం ఇకపై ఆధార్ సెంటర్లు, మీ సేవా కేంద్రాలకు వెళ్లవలసిన అవసరం కూడా లేదని వారు తెలిపారు. చదువుకునే పిల్లలకు పాఠశాలలు, అంగన్వాడీ కేంద్రాల్లో ఈకేవైసీ నమోదు చేయవచ్చని, 15 ఏళ్ల దాటిన వారే మాత్రమే ఆధార్ కేంద్రాలకు వెళ్ళాలని సూచించారు. మిగిలిన వారంతా చౌక ధరల దుకాణాల వద్ద ఈకేవైసీని నమోదు చేసుకుంటే సరిపోతుందని వివరించారు. వాలంటీర్ల ద్వారా రేషన్ సరుకులు పంపిణీలో ఎలాంటి ఇబ్బందులు లేకుండా చూసేందుకే ఈ విధానం అమలు చేయబోతున్నట్లు చెప్పారు.
ఇదీ చూడండి :'ఈ - కేవైసీ' కోసం.. ఈ కష్టాలు విజయనగరం జిల్లా ప్రజలవి!
