విజయవాడలో కలకలం రేపిన కారులో రాహుల్ మృతదేహం కేసును పోలీసులు హత్యగా నిర్ధారించారు. వ్యాపార, ఆర్థిక వ్యవహారాలే హత్యకు కారణమని ప్రాథమికంగా అంచనా వేశారు. కారులోని తాడు, దిండు, నీటి సీసాలపై ఉన్న వేలిముద్రలను క్లూస్ టీమ్‌ స్వాధీనం చేసుకుంది. రాహుల్ మెడ కమిలిపోయి ఉండటం గమనించిన పోలీసులు.. ఇది హత్యేనని నిర్ధారణకు వచ్చారు. మృతుని బంధువులు కూడా మృతదేహాన్ని పరిశీలించారు. వారి నుంచి పోలీసులు సమాచారాన్ని సేకరించారు. డాగ్‌స్క్వాడ్‌ బృందం కూడా సంఘటనాస్థలానికి చేరుకుని పరిశీలించారు. కేసుకు సంబంధించిన వివరాలను సాయంత్రం అధికారికంగా ప్రకటిస్తామని తెలిపారు.
కేసు పురోగతిపై ఇంఛార్జి సీపీ ఆరా..
కారులో అనుమానాస్పదంగా మృతిచెందిన ఘటనాస్థలాన్ని ఇంఛార్జి సీపీ పాలరాజు పరిశీలించారు. ఏసీపీ ఖాదర్‌బాషాను అడిగి వివరాలు తెలుసుకున్నారు. ఖరీదైన లగ్జరీ కారు కావడంతో వాహనానికి అధునాతన సౌకర్యాలు ఉంటాయని.. వాటి ద్వారా డిజిటల్‌ ఆధారాలు సేకరించే అవకాశం ఉంటుందని ఇంఛార్జి సీపీ పాలరాజు తెలిపారు. చుట్టు ప్రక్కల పరిసరాల్లోని సీసీ కెమెరాలు, కాల్‌డాటా ద్వారా కొన్ని ఆధారాలు సేకరించామన్నారు. బంధువులను అడిగి వివరాలను సేకరిస్తున్నామని హత్యా.. ఆత్మహత్యా అనే విషయం త్వరలోనే తేలుస్తామని అన్నారు.
కలకలం రేపిన హత్య..
విజయవాడ మొగల్రాజ్ పురం పరిధిలో రాహుల్ అనే వ్యక్తి.. కారులో మృతి చెందిన ఘటనపై పోలీసులు దర్యాప్తు ముమ్మరం చేశారు. తాడిగడపకు చెందిన రాహుల్ పుంగనూరులో నూతన గ్యాస్ కంపెనీ ఏర్పాటు చేసేందుకు ఏర్పాట్లు చేస్తున్నారని పోలీసు ఉన్నతాధికారులు తెలిపారు. ఈ క్రమంలోనే ఒకరితో మాట్లాడేందుకు వెళ్తున్నానని కుటుంబ సభ్యులకు తెలిపి బయటకు వచ్చినట్లు పోలీసులు తెలిపారు.
తెల్లవారుజాము వరకు ఇంటికి రాకపోవడంతో కుటుంబ సభ్యులు పెనమలూరు పోలీసులకు ఫిర్యాదు చేశారు. దర్యాప్తు చేపట్టిన పోలీసులకు.. మాచవరం పోలీసు స్టేషన్ పరిధిలో కారులో మృతదేహం ఉన్నదనే సమాచారం అందింది. సంఘటనాస్థలానికి చేరుకుని పరిశీలించగా.. అదృశ్యమైన వ్యక్తే కారులో మృతి చెందాడని తేలింది.
ఇదీ చదవండి:
