అక్కడ పోలింగ్ లేకుండా ప్రజాస్వామ్యాన్ని పాతరేశారు: రామకృష్ణ

పులివెందుల, పుంగనూరులో పోలింగ్ లేకుండా ప్రజాస్వామ్యాన్ని పాతరేశారని సీపీఐ రాష్ట్ర కార్యదర్శి రామకృష్ణ విమర్శించారు. వైకాపా గెలిస్తే పులివెందుల రాజ్యమే విజయవాడలోనూ వస్తుందని మండిపడ్డారు.

రాష్ట్రానికి గుండెకాయ లాంటి బెజవాడలో వైకాపా ఆటలు సాగనివ్వొద్దని సీపీఐ రాష్ట్ర కార్యదర్శి రామకృష్ణ పిలుపునిచ్చారు. మున్సిపల్ ఎన్నికల్లో భాగంగా విజయవాడలో చంద్రబాబుతో కలిసి ప్రచారంలో పాల్గొన్నారు. వైకాపాను ఓడించకుంటే అమరావతి రాజధానిగా ఉండదన్నారు. పసుపు-ఎరుపు కలయిక శుభసూచికమన్నారు. అన్ని స్థానాల్లో తెదేపా-సీపీఐ అభ్యర్థులను గెలిపించాలని కోరారు.

ఇదీ చదవండి: అమరావతిని కాపాడుకునే బాధ్యత మీకు లేదా?: చంద్రబాబు