కానిస్టేబుల్ భార్య ఆత్మహత్య కేసులో కొనసాగుతున్న దర్యాప్తు

విజయవాడ నగర శివారులోని భవానిపురంలో కానిస్టేబుల్ భార్య ఆత్మహత్య కేసు విచారణ కొనసాగుతోంది. పోలీసులు మృతురాలి బంధువుల నుంచి వివరాలు సేకరిస్తున్నారు.

ఈ నెల 12న విజయవాడ నగర శివారు భవానీపురం మౌలానగర్​లో ఉరివేసుకొని ఆత్మహత్య చేసుకున్న వివాహిత రజనీ కేసులో దర్యాప్తు కొనసాగుతోంది. బంధువుల నుంచి పోలీసులు వివరాలు సేకరిస్తున్నారు. మృతురాలి భర్త కృష్ణారావు.. ముఖ్యమంత్రి భద్రతా విభాగంలో కానిస్టేబుల్​గా విధులు నిర్వర్తిస్తున్నాడు. వీరికి 15 నెలల బాబు ఉన్నాడు.

ఈనెల 11వ తేదీ రాత్రి కృష్ణారావు డ్యూటికి వెళ్తూ భార్య, కుమారుడిని ఇంట్లో ఉంచి తాళం వేసుకొని వెళ్లాడు. అతను విధులు ముగించుకొని ఉదయం ఇంటికి చేరుకునే సరికి రజనీ ఫ్యాన్​కు ఉరివేసుకొని కనిపించింది. అనుమానాస్పద మృతిగా కేసు నమోదు చేసిన భవానీపురం పోలీసులు దర్యాప్తు కొనసాగిస్తున్నారు.

ఇదీ చదవండి: ట్రాక్టర్ తిరగబడిన ఘటనలో యువకుడు మృతి