విజయవాడ అజిత్సింగ్ నగర్ వద్దనున్న బుడమేరు కాలువలో దూకిన ఓ వ్యక్తిని.. బుజ్జిబాబు అనే కానిస్టేబుల్ కాపాడాడు. అక్కడే విధులు నిర్వహిస్తున్న పోలీసు వెంటనే స్పందించి.. నీటిలో కొట్టుకుపోతున్న వ్యక్తిని ఒడ్డుకు చేర్చాడు. గతంలో జరిగిన ఇదే తరహా సంఘటనలోనూ.. ఓ వృద్దురాలిని బుజ్జిబాబు రక్షించాడు. ఉద్ధృతంగా ప్రవహిస్తున్న నీటిని లెక్కచేయకుండా ప్రాణాలకు తెగించి కాలువలోకి దూకాడు. ఆత్మహత్యాయత్నం చేసిన వ్యక్తిని.. గుంటూరుకు చెందిన ఆనందరావుగా గుర్తించారు. ఆర్థిక ఇబ్బందులతోనే చనిపోవాలనుకున్నానని బాధితుడు తెలిపాడు. అతడిని కాపాడిన కానిస్టేబుల్ని పలువురు అభినందించారు.
ఇదీ చదవండి: అక్రమంగా తరలిస్తోన్న రెడీమేడ్ దుస్తులు పట్టివేత