ఇవాళ, రేపు ముఖ్యమంత్రి జగన్మోహన్ రెడ్డి కడప జిల్లాలో పర్యటించనున్నారు. వ్యక్తిగత కారణాలతో సీఎం ఈ పర్యటనకు(CM JAGAN TO KADAPA FROM VIJAYAWADA ) వెళ్తున్నారు. సీఎం జగన్ సతీమణి భారతీ రెడ్డి తండ్రి ఈసీ గంగిరెడ్డి వర్ధంతి కార్యక్రమానికి హాజరయ్యేందుకు సీఎం ఇవాళ మధ్యాహ్నం 3.15 గంటలకు గన్నవరం విమానాశ్రయం నుంచి ప్రత్యేక విమానంలో కడపకు బయలుదేరారు. భద్రతా ఏర్పాట్లను విజయవాడ సీపీ బత్తిన శ్రీనివాసులు పర్యవేక్షించారు.
ఇడుపులపాయకు చేరుకున్న జగన్.. వైఎస్‌ఆర్‌ ఎస్టేట్‌లోని గెస్ట్‌హౌస్‌లో రాత్రి బస చేయనున్నారు. రేపు ఉదయం 9.30 గంటలకు పులివెందులకు బయల్దేరి వెళ్లనున్నారు. పులివెందులలోని లయోలా డిగ్రీ కళాశాల రోడ్డులో ఉన్న డాక్టర్ గంగిరెడ్డి సమాధి వద్దకు చేరుకుని నివాళులు అర్పించనున్నారు. అనంతరం భాకరాపురం ఆడిటోరియంలో జరిగే ప్రత్యేక ప్రార్ధనల్లో పాల్గోని.. రేపు మధ్యాహ్నం తిరిగి విజయవాడకు చేరుకుంటారు.
ఇదీ చదవండి:
