ఎర్ర చందనం అక్రమ రవాణా చేస్తున్న ముగ్గురు స్మగ్లర్లను ఎర్రచందనం ప్రత్యేక కార్యదళం సిబ్బంది అరెస్ట్ చేశారు. అర్ధరాత్రి సమయంలో తిరుచానూరు - చంద్రగిరి రహదారి సమీపంలోని ఎమ్మార్పల్లి ఇందిరమ్మ ఇళ్ల వద్ద ఎర్ర చందనం డంపింగ్ ఉందనే సమాచారంతో అధికారులు ఈ ప్రదేశాన్ని తనిఖీ చేశారు.
ఆటోలో ఎర్ర చందనం దుంగలు ఎక్కిస్తుండగా కార్యదళం సిబ్బంది వారిని అరెస్ట్ చేశారు. నిందితులను భాకరాపేటకు చెందిన సాయికుమార్, శివారెడ్డి, దిలీప్ కుమార్గా గుర్తించారు. వీరి నుంచి 5 ఎర్ర చందనం దుంగలను స్వాధీనం చేసుకున్నట్లు డీఎస్పీ తెలిపారు.
ఇదీ చదవండీ...యూపీ పోలీసులు కరుణామయులు!
