పద్మావతి మహిళా వర్శిటీలో రేపు జరగాల్సిన పీజీ సెట్ కౌన్సెలింగ్ 18కి వాయిదా

శ్రీ పద్మావతి మహిళా విశ్వవిద్యాలయంలో రేపు జరగనున్న పీజీ సెట్ కౌన్సెలింగ్ వాయిదా పడింది. ఎమ్మెస్సీ బయోకెమిస్ట్రీ, ఎంఏ ఇంగ్లీష్, ఎంఏ సంగీతం, ఎంఏ భరతనాట్యం కోర్సుల కౌన్సెలింగ్​ను ఈనెల 18కి వాయిదా వేస్తున్నట్లు వర్శిటీ డైరెక్టర్ తెలిపారు. రేపు భారత్ బంద్ కారణంగా ఈ నిర్ణయం తీసుకున్నట్లు వెల్లడించారు.

తిరుపతిలోని శ్రీ పద్మావతి మహిళా విశ్వవిద్యాలయంలో జరుగుతున్న పీజీ సెట్‌ కౌన్సెలింగ్‌లో ఈ నెల 8న జరగాల్సిన ఎమ్మెస్సీ బయోకెమిస్ట్రీ, ఎం.ఏ. ఇంగ్లీషు, ఎం.ఏ(సంగీతం), ఎం.ఏ(భరతనాట్యం) కోర్సుల కౌన్సెలింగ్‌ను ఈ నెల 18వ తేదీకి వాయిదా వేస్తున్నట్లు వర్శిటీ అడ్మిషన్స్ డైరెక్టర్ ఆచార్య స్వర్ణలత దేవి తెలిపారు.

కేంద్ర ప్రభుత్వం తీసుకు వచ్చిన 3 వ్యవసాయ బిల్లులకు నిరసనగా దేశవ్యాప్తంగా ఈనెల 8న భారత్‌ బంద్‌కు వివిధ కార్మిక సంఘాలు, రాజకీయ పార్టీలు మద్దతు ఇచ్చిన కారణంగా కౌన్సెలింగ్‌ వాయిదా వేశారు.

ఇవీ చదవండి..