తిరుపతిలో కరోనా బాధితులకు మెరుగైన సేవలు అందించే దిశగా చర్యలు చేపడతామని… కొవిడ్-19 తిరుపతి సమన్వయ కమిటీ సమావేశంలో ప్రభుత్వ విప్, తుడా ఛైర్మన్, చంద్రగిరి ఎమ్మెల్యే డాక్టర్ చెవిరెడ్డి భాస్కర్ రెడ్డి పేర్కొన్నారు. ప్రజలు అధైర్యపడొద్దని భరోసా కల్పించారు.
తిరుపతి పరిధిలో ఆరోగ్యశ్రీ ద్వారా వైద్య సేవలు అందిస్తున్న అన్ని ఆసుపత్రులలో కొవిడ్-19 వైద్య సేవలు అందించాలని సూచించారు. టెస్టుల అనంతరం మెరుగైన వైద్యం, సౌకర్యాలు వంటి వాటిపై దృష్టి సారించాలని, ఈ వైరస్కు ఎవరూ అతీతులు కాదని చెప్పుకొచ్చారు. ఈ కరోనా కాలంలో జిల్లా కలెక్టర్ భరత్ గుప్తా అందరి అధికారులను కలుపుకొని బాధితులకు అందిస్తున్న సేవలు అభినందనీయమని కొనియాడారు.
