Armed Forces Flag Day At Nellore: దేశం కోసం అమరులైన జవాన్లను ప్లాగ్‌ డే నాడు స్మరించుకుంటూ.. వారి కుటుంబాల సంక్షేమం కోసం ప్రతి ఒక్కరూ విరాళాలు ఇవ్వాలని ప్రజలకు నెలూరు జిల్లా కలెక్టర్ కేవీఎన్‌ చక్రధర్‌బాబు విజ్ఞప్తి చేశారు. సాయుధ దళాల పతాక దినోత్సవం, ఇండో-పాక్‌ యుద్ధం జరిగి 50 ఏళ్లు పూర్తయిన సందర్భంగా కలెక్టరేట్‌లోని తిక్కన ప్రాంగణంలో యుద్ధ వీరులు, వారి కుటుంబ సభ్యులను సత్కరించారు.
స్వాతంత్య్రం సిద్ధించి 75 ఏళ్లు పూర్తయిన సందర్భంగా భావి భారత పౌరుల్లో దేశభక్తి, దేశ సమగ్రతపై గౌరవాన్ని పెంపొందించేందుకు ఆజాదికా అమృత్‌ మహోత్సవ్‌ తదితర కార్యక్రమాలను కేంద్ర, రాష్ట్ర ప్రభుత్వాలు నిర్వహిస్తున్నాయని కలెక్టర్ తెలిపారు. ఈ సందర్భంగా సైనిక సంక్షేమ నిధికి విరాళం అందజేశారు. కార్యక్రమంలో డీఆర్వో ఓబులేసు, జిల్లా సైనిక సంక్షేమాధికారి పీఎస్‌ రమేష్‌, మాజీ సైనిక ఉద్యోగులు, వారి కుటుంబ సభ్యులు, ఎన్‌సీసీ క్యాడెట్లు పాల్గొన్నారు.
ఇదీ చదవండి..
