సొంత గ్రామాలకు.. వైకాపా బాధితులు!

గుంటూరు నగరంలో తెలుగుదేశం పార్టీ ఏర్పాటు చేసిన శిబిరం నుంచి వైకాపా బాధితుల తరలింపు ప్రక్రియ పూర్తయింది. ఆర్డీవో భాస్కర్‌రెడ్డి బాధితుల వివరాలు నమోదు చేసుకొని వారిని సొంత గ్రామాలకు పంపారు. బాధితుల సమస్యల పరిష్కారానికి చర్యలు తీసుకుంటామని హామీ ఇచ్చారు.

గుంటూరులోని తెదేపా శిబిరం నుంచి వైకాపా బాధితులను వారి సొంత గ్రామాలకు తరలించే ప్రక్రియను పోలీసులు పూర్తి చేశారు. 162 మంది వైకాపా బాధితులను అధికారులు.. వారి వారి సొంత గ్రామాలకు పంపించారు. అందరి ఇబ్బందులను రికార్డు చేసుకున్నామని ఆర్డీవో భాస్కర్‌రెడ్డి తెలిపారు. వారి సమస్యలను ఉన్నతాధికారుల దృష్టికి తీసుకెళ్తామన్నారు. గ్రామాల్లో దాడులు జరగకుండా పోలీస్‌ పికెట్‌ ఏర్పాటు చేశామని వివరించారు. ఇరువర్గాలతో మాట్లాడి గొడవలు జరగకుండా చర్యలు తీసుకున్నామని స్పష్టం చేశారు. వివాదాలకు అసలు కారణాలపై అధ్యయనం చేస్తున్నామన్నారు. ప్రభుత్వ పథకాల అమలులో ఇబ్బందులు ఉంటే వాటిని పరిష్కరిస్తామన్న ఆర్డీవో... పెండింగ్‌ కేసులను త్వరగా పరిష్కరించేలా చర్యలు తీసుకుంటామని వివరించారు.

ఇదీ చదవండి