బ్యాంకులో నగదు డ్రా చేసి బయటకొచ్చిన కొద్దిసేపటికే రెండు లక్షలను కాజేశారు కిలాడీలు. గుంటూరులోని చంద్రమౌళినగర్కు చెందిన వంశీకృష్ణ తన డబ్బు పోయిందంటూ గురువారం పట్టాభిపురం పోలీసులను ఆశ్రయించారు.
ఫిర్యాదు మేరకు... స్థానిక కెనరా బ్యాంకు నుంచి గురువారం మధ్యాహ్నం వంశీకృష్ణ 2 లక్షల రూపాయలు డ్రా చేశాడు. బయటకు వచ్చి నగదును ద్విచక్ర వాహన డిక్కీలో పెట్టాడు. ఇంతలో తెలిసిన వారు కనపడగా మాట్లాడుతున్నాడు. తిరిగి వాహనం వద్దకు రాగా.. డిక్కీ తెరిచి ఉండటాన్ని గమనించాడు. అనుమానం వచ్చి చూడగా నగదు లేదని బాధితుడు చెప్పాడు. పోలీసులు దీనిపై విచారణ చేపట్టారు.
ఇదీ చదవండి: 'ఎన్నికల పెట్టుబడిగా భావించి ఇప్పుడు ఖర్చు చేయండి'
