కరోనా విజృంభిస్తున్న ప్రస్తుత పరిస్థితుల్లో ఆరోగ్యకరమైన ఆహారంపై ప్రజలకు అవగాహన కలుగుతోంది. రసాయనాలు, పురుగులమందులు ఉపయోగించి పండిస్తున్న పంటలతో ఆరోగ్యం దెబ్బతింటోంది. దీనిని దృష్టిలో ఉంచుకుని కొందరు ఔత్సాహికులు స్వంతంగా పంట పండిస్తున్నారు. స్థలం లేని వారు ఇంటిపైనే మిద్దెతోటను పెంచుకుంటున్నారు. ఈ మిద్దెసాగులో నిర్వాహకులకు ఉత్పన్నమయ్యే సమస్యలను పరిష్కరించేందుకు వీలుగా... ప్రముఖ సామాజికమాధ్యమం వాట్సాప్ను వేదికగా ఎంచుకున్నారు గుంటూరు నగరానికి చెందిన మిద్దెసాగు నిర్వహకులు.
ఈ బృందంలో సభ్యులకు ఉత్పన్నమయ్యే సందేహాలను తీర్చేందుకు... మిద్దెతోటలపై సంపూర్ణ అవగాహన ఉన్న నిపుణులను చేర్చారు. సభ్యులు అడిగిన సమస్యలకు గ్రూప్లోనే సమాధానం లభించేలా ఏర్పాటు చేసుకున్నారు. అంతేకాకుండా మిద్దెసాగు అభివృద్ధికి ఒకరికొకరు సహాయం చేసుకుంటారు. వారాంతాల్లో మిద్దెతోటల్ని సందర్శించి, కొత్త విషయాలు తెలుసుకుంటారు. ఈ విధానంలో సాగు చేసిన వారు... తాము పొందిన ఫలితాలను గ్రూప్లో పెడుతుంటారు. గ్రూప్ ద్వారా వ్యాపారం చేయకూడదని నిబంధన పెట్టుకున్నారు. ఆర్గానిక్ ఉత్పత్తులను ప్రతి ఒక్కరూ వినియోగించుకోవాలనే లక్ష్యంతో ఈ గ్రూప్ను ఏర్పాటు చేసినట్లు గ్రూప్ అడ్మిన్ తెలిపారు. పది మందితో మొదలైన గ్రూప్లో ప్రస్తుతం 220 మందికి పైగా సభ్యులు ఉన్నారు.
ఇవీచదవండి.
