గుంటూరు జిల్లా మంగళగిరి మండలం ఎర్రబాలెంలోని పారిశ్రామికవాడలోని 20 పూరిళ్లు అగ్నికి ఆహుతయ్యాయి. పారిశ్రామిక వాడలో 20 మంది పేదలు.. గుడిసెలు వేసుకొని నివాసముంటున్నారు. అందరూ పనులకు వెళ్లిన సమయంలో ఓ ఇంట్లో విద్యుత్ షార్ట్ సర్క్యూట్ కారణంగా మంటలు చెలరేగాయి. ఈ మంటలు క్షణాల్లోనే మిగిలిన పూరిళ్లకు వ్యాపించాయి. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకొని మంటలను అదుపు చేశారు. అయితే అప్పటికే ఆ ఇళ్లు కాలి బూడిదయ్యాయి.
ఒక్కో ఇంటికి సుమారు రూ. 30వేల మేర ఆస్తినష్టం వాటినట్లు అధికారులు అంచనా వేశారు. ఈ ప్రమాదంలో ఇళ్లు మొత్తం కాలి పోయాయని.. కట్టుకున్న బట్టలు మాత్రమే మిగిలాయని బాధితులు వాపోయారు. ప్రభుత్వమే తమను ఆదుకోవాలని వాళ్లు కోరారు.
ఎర్రబాలెంలోని పారిశ్రామికవాడలో అగ్నిప్రమాదం
ఇదీ చూడండి: వాయిస్ మెసేజ్ పెట్టి.. ఆత్మహత్య చేసుకున్నాడు!
