తెదేపా శవరాజకీయాలు చేస్తోంది: హోం మంత్రి సుచరిత

కోడెల మృతికి ప్రభుత్వమే కారణమన్న తెదేపా నేతల వ్యాఖ్యలను వైకాపా నేతలు ఖండించారు. తెలుగుదేశం పార్టీ శవరాజకీయాలు చేస్తోందని హోం మంత్రి సుచరిత ఆరోపించారు.  కోడెల మృతిని తెదేపా వివాదాస్పదం చెయ్యడం మంచిది కాదని మంత్రి మోపిదేవి వెంకటరమణరావు  హితవు పలికారు.

కోడెల మృతిపై అనేక అనుమానాలున్నాయని... దర్యాప్తు పూర్తయ్యాక పూర్తి విషయాలు వెల్లడిస్తామని హోం మంత్రి సుచరిత తెలిపారు. తెలుగుదేశం పార్టీ శవరాజకీయాలు చేస్తోందని ఆరోపించారు.

మంత్రి మోపిదేవి....

కోడెల శివప్రసాద్ మరణం బాధాకరమని..జిల్లా ఒక సీనియర్ నాయకుడిని కోల్పోయిందన్నారు. ఆయన మృతిని తెదేపా వివాదాస్పదం చెయ్యడం మంచిది కాదని హితవు పలికారు. కోడెల మరణానికి అతని కుమారుడే కారణమని...స్వయానా కోడెల మేనల్లుడు తెలిపారన్నారు. కోడెల కుటుంబానికి వైకాపా తరఫున మంత్రి ప్రగాఢ సానుభూతి తెలిపారు.

ఇదీ చూడండి: ప్రమాదానికి కారణమైన అందరిపైనా చర్యలు: డీజీపీ