అమరావతి కోసం రైతులు చేస్తున్న ఉద్యమాన్ని అణచివేయడానికి ప్రభుత్వం ఎన్ని ప్రయత్నాలు చేసినా.. రైతులు వెనక్కి తగ్గలేదని తెదేపా నేత వర్ల రామయ్య ప్రశంసించారు. ఉద్యమకారుల్ని నిలువరించడానికి పోలీసులు గోళ్లతో రక్కినా, గిచ్చినా.. మొక్కవోని ధైర్యంతో నేటికీ ఆందోళనలు కొనసాగించడం అభినందనీయమని అన్నారు. ప్రభుత్వ వ్యవహారశైలిని పట్టించుకోకుండా ఆందోళనలు కొనసాగించాలని చెప్పడానికే.. తెదేపా అధినేత చంద్రబాబు, ఐకాస సభ్యులతో కలిసి రాజధాని ప్రాంతంలో పర్యటిస్తున్నారని స్పష్టం చేశారు. ఆందోళనలకు పరిష్కారం చూపకుండా కృత్రిమ ఆందోళనలు చేయించడం ద్వారా.. సీఎం ప్రజలకు ఏం సందేశం ఇవ్వాలనుకుంటున్నారని ప్రశ్నించారు. వైకాపా కార్యకర్తలతో రోడ్లపై ఊరేగింపులు చేయించడం, శాంతియుతంగా ధర్నాలు చేస్తున్నవారిపై కవ్వింపు చర్యలకు పాల్పడటం ఎంతవరకు సబబని నిలదీశారు.
ఇవీ చదవండి:
