గడ్డివాముకు నిప్పంటుకుని ఇద్దరు చిన్నారులు మృతి

గడ్డివాముకు నిప్పంటుకుని.. మంటలు చెలరేగిన ఘటనలో ఇద్దరు చిన్నారులు మృతి చెందారు. తెలంగాణలోని మహబూబ్‌నగర్ జిల్లా నవాబుపేట మండలం ఇప్పటూరులో ఈ ప్రమాదం జరిగింది.

తెలంగాణలోని మహబూబ్‌నగర్ జిల్లాలో విషాదం చోటు చేసుకుంది. గడ్డివాములో మంటలు చెలరేగి ఇద్దరు చిన్నారులు మృతి చెందారు. నవాబుపేట మండలం ఇప్పటూరులో ఈ ఘటన చోటు చేసుకుంది. ఆడుకుంటూ ఇద్దరు చిన్నారులు గడ్డివాములోకి వెళ్లి ఉంటారని... దానికి మరో బాలుడు నిప్పుపెట్టి ఉంటాడని స్థానికులు అనుమానం వ్యక్తం చేస్తున్నారు. ఈ దుర్ఘటన నిన్న సాయంత్రం ఆరుగంటలకు జరిగింది.

గడ్డివాములో మంటలు చెలరేగి చిన్నారులు తీవ్రంగా గాయపడ్డారు. గమనించిన స్థానికులు ఇద్దరు చిన్నారులను మహబూబ్​నగర్​ జనరల్​ ఆస్పత్రికి తరలించారు. చికిత్స పొందుతూ నిన్న ఏడు గంటలకు ఒకరు, రాత్రి పది గంటలకు మరొకరు మృతి చెందారు.

ఇదీ చదవండి: పాడేరు ఘాట్‌రోడ్డులో ప్రమాదం.. ఒకరు మృతి