ధరణిలో ఆస్తుల వివరాల నమోదుపై తెలంగాణ హైకోర్టులో విచారణ జరిగింది. రిజిస్ట్రేషన్ల స్లాట్ బుకింగ్, పీటీఐఎన్ కోసం ఆధార్ వివరాలు అడుగుతున్నారని పిటిషనర్లు ధర్మాసనం దృష్టికి తీసుకువచ్చారు. హైకోర్టుకు ప్రభుత్వం ఇచ్చిన హామీకి విరుద్ధంగా వ్యవహరిస్తున్నారన్నారు.
ఈ అంశంపై విచారణ చేపట్టిన న్యాయస్థానం ఆధార్ వివరాలను ఏ రూపంలోనూ సేకరించవద్దని ఆదేశాలు జారీచేసింది. ఆధార్, కులం, కుటుంబ సభ్యుల వివరాలు అడగబోమన్నారని గుర్తుచేసింది. హామీని లిఖితపూర్వకంగా సమర్పించాలని ప్రభుత్వానికి స్పష్టం చేసింది.
ధరణి, రిజిస్ట్రేషన్ల అంశాన్ని మంత్రివర్గ ఉపసంఘం సమగ్రంగా పరిశీలిస్తోందన్న ఏజీ.. ధర్మాసనం దృష్టికి తీసుకువచ్చారు. ఇరువర్గాల వాదనలు విన్న ధర్మాసనం విచారణ రేపటికి వాయిదా వేసింది.
ఇవీచూడండి:
