రామోజీ ఫిల్మ్‌సిటీలో పర్యాటకం తాత్కాలికంగా నిలిపివేత

కరోనా కారణంగా రామోజీ ఫిల్మ్ సిటీలో పర్యాటక కార్యకలాపాలు తాత్కాలికంగా మూతపడ్డాయి.. గతేడాది లాక్​డౌన్ సమయంలో ఫిల్మ్ సిటీలో పర్యాటకాన్ని నిలిపివేసిన సంస్థ... లాక్​డౌన్ అనంతరం ప్రభుత్వం ఇచ్చిన అనుమతుల మేరకు పర్యాటకాన్ని పునఃప్రారంభించారు. కరోనా రెండో దశ వలన ఇప్పుడు తాత్కాలికంగా పర్యాటక కార్యాకలాపాలు నిలిపివేస్తున్నట్లు ఫిల్మ్ సిటీ ప్రతినిధులు స్పష్టం చేశారు.

రెండో దశలో కొవిడ్‌-19 కేసులు పెరుగుతున్న దృష్ట్యా రామోజీ ఫిల్మ్‌ సిటీ కీలక నిర్ణయం తీసుకుంది. పర్యాటక కార్యకలాపాలను ఏప్రిల్‌ 21వ తేదీ బుధవారం నుంచి తాత్కాలికంగా నిలిపివేస్తున్నట్లు ఫిల్మ్‌ సిటీ యాజమాన్యం ఓ ప్రకటనలో తెలిపింది. మళ్లీ తెలిపే వరకూ పర్యాటకుల రాకపోకలు ఉండబోవని ఫిల్మ్‌ సిటీ ప్రతినిధులు ఆ ప్రకటనలో స్పష్టం చేశారు.

ఇదీ చదవండి: పిల్లల్లో పెరుగుతున్న ముప్పు.. తల్లిదండ్రులూ అశ్రద్ధ వద్దు !