సీఎం జగన్నాటకం ముందు ఆస్కార్​ అవార్డు దిగదుడుపే: నారా లోకేశ్​

రాష్ట్ర ముఖ్యమంత్రి జగన్​పై తెదేపా జాతీయ ప్రధాన కార్యదర్శి నారా లోకేశ్​ ట్విటర్​ వేదికగా తీవ్ర విమర్శలు చేశారు. అచ్చెన్నాయుడు అరెస్టు వ్యవహారంలో ప్రభుత్వం, పోలీసులు కనీసం మానవత్వం చూపించలేదని మండిపడ్డారు. ఆపరేషన్​ అయ్యిందని చెప్పినా.. కనీసం మందులు తీసుకునే అవకాశం ఇవ్వకుండా అరెస్టు చేశారని ఆగ్రహం వ్యక్తం చేశారు.

నారా లోకేశ్​ ట్వీట్​

రాష్ట్ర ముఖ్యమంత్రి జగన్​ జగన్నాటకం ముందు ఆస్కార్​ అవార్డు సైతం దిగదుడుపేనని తెదేపా జాతీయ ప్రధాన కార్యదర్శి నారా లోకేశ్​ ఎద్దేవా చేశారు. టెర్రరిస్ట్ ఇంటిపై దాడి చేసినట్టు బీసీ నేత అచ్చెన్నాయుడు ఇంట్లోకి పోలీసులు ప్రవేశించారని మండిపడ్డారు. ఆపరేషన్ అయ్యిందని రిపోర్టులు చూపించినా మానవత్వం లేకుండా ప్రవర్తించారని లోకేశ్​ ఆగ్రహం వ్యక్తం చేశారు. కనీసం మందులు తీసుకునే అవకాశం కూడా ఇవ్వకుండా హింసించారని ధ్వజమెత్తారు.

ఆరోపణ వచ్చిన రోజే విచారణకు సిద్ధమన్న అచ్చెన్నాయుడిని 20 గంటల పాటు రోడ్లపై తిప్పి గాయం పెద్దదయ్యేలా అత్యంత క్రూరంగా వ్యవహరించారని నారా లోకేశ్​ దుయ్యబట్టారు. ప్రతి నిమిషం అచ్చెన్నాయుడు పడుతున్న కష్టాన్ని తెలుసుకుని ఆనందపడిన జగన్.. ఇప్పుడు మంచి వైద్యం అందించమని అధికారులకు చెప్పడం జగన్నాటకం కాకపోతే ఏమవుతుందని లోకేశ్​ ధ్వజమెత్తారు.

ఇదీ చూడండి..