హైదరాబాద్​లో ట్రాఫిక్ విధుల్లో సాఫ్ట్​వేర్ ఇంజినీర్

సాఫ్ట్‌వేర్‌ ఇంజినీరుగా పనిచేస్తూ జీవితం హాయిగా సాగిపోతుందిగా.. చాలు అనుకోలేదు ఆయన. తన దినచర్యలో కొంత సమయం సమాజం కోసం కేటాయిస్తున్నారు. రోజులో ఏదో ఒక సమయంలో కొంత కుదుర్చుకుని ట్రాఫిక్‌నూ నియంత్రిస్తూ పలువురి ప్రశంసలందుకుంటున్నారు.

సైబరాబాద్‌ కమిషనరేట్‌లో ట్రాఫిక్‌ వాలంటీర్‌(Software Engineer as Traffic volunteer)గా సేవలందిస్తున్న ముద్రగడ నాగేశ్వరరావుది పశ్చిమ గోదావరి జిల్లా పెనుగొండ మండలం సిద్ధాంతం గ్రామం. హైటెక్‌ సిటీలో ఓ సాఫ్ట్‌వేర్‌ కంపెనీలో అయిదేళ్లుగా పనిచేస్తున్నారు. గచ్చిబౌలి చుట్టుపక్కల ప్రాంతాల్లో పలు చౌరస్తాలో ట్రాఫిక్‌(Traffic controlling)ను నియంత్రించేవారు. ప్రస్తుతం ప్రగతినగర్‌లో ఉంటూ ఇంటి నుంచే పనిచేస్తూ జేఎన్‌టీయూ చౌరస్తాలో సోమవారం నుంచి శుక్రవారం వరకు సాయంత్రం 2 గంటలపాటు ట్రాఫిక్‌ విధులు(traffic functions) నిర్వర్తిస్తారు. సొసైటీ ఫర్‌ సైబరాబాద్‌ సెక్యూరిటీ కౌన్సిల్‌ (ఎస్‌సీఎస్‌సీ(Society for Cyberabad security council)))లో ట్రాఫిక్‌ వాలంటీర్లుగా 2,555 మంది సభ్యత్యం తీసుకోగా వారిలో నాగేశ్వరరావు తొలి సభ్యుడు.

ఇదీ చదవండి :ఘోర రోడ్డుప్రమాదం- ఒకే కుటుంబంలోని 8 మంది మృతి