రాష్ట్ర వ్యాప్తంగా పోలీసుల తనీఖీలు.. భారీగా మద్యం, గుట్కా ప్యాకెట్ల పట్టివేత

రాష్ట్రంలో వివిధ ప్రాంతాల్లో పోలీసులు, ఎస్​ఈబీ అధికారులు దాడులు చేపట్టారు. భారీ స్థాయిలో మద్యం, గుట్కా ప్యాకెట్లను స్వాధీనం చేసకున్నారు.

రాష్ట్రంలో వివిధ ప్రాంతాల్లో పోలీసులు, ఎస్​ఈబీ అధికారులు తనీఖీలు చేపట్టారు. పెద్ద మొత్తంలో మద్యం, గుట్నా ప్యాకెట్లను స్వాధీనం చేసకున్నారు.

కర్నూలు జిల్లాలో...

అక్రమంగా తరలిస్తున్న కర్ణాటక మద్యాన్ని ఎమ్మిగనూరు మండలం.. సిరాలదొడ్డి వద్ద పోలీసులు పట్టుకున్నారు. రవాణాకు ఉపయోగించిన కూరగాయల లారీని సీజ్​ చేశారు. తెలంగాణకు చెందిన వినోద్ కుమార్, ఎమ్మిగనూరు మండలంలోని గుడేకల్ కు చెందిన వీరేశ్, మహాదేవను అరెస్టు చేశారు. వారి నుంచి 3 లక్షల రూపాయల విలువైన కర్ణాటక మద్యం ప్యాకెట్లను స్వాధీనం చేసుకున్నారు. ఈ కేసుకు సంబంధించి మరో ముగ్గురిని అరెస్టు చేయాల్సి ఉందని పోలీసులు తెలిపారు.

గుంటూరు జిల్లాలో...

• విశాఖ నుంచి తమిళనాడుకు అక్రమంగా కారులో తరలిస్తున్న 220 కిలోల గంజాయిని మంగళగిరి గ్రామీణ పోలీసులు స్వాధీనం చేసుకున్నారు. విశాఖ నుంచి తమిళనాడులోని మధురైకి కారులో గంజాయి తరలిస్తున్నట్లు సమాచారం అందుకున్న మంగళగిరి గ్రామీణ పోలీసులు కాజా టోల్ గేట్ వద్ద నిఘా పెట్టారు. ఏపీ 28 డీఎఫ్ 1323 వోక్స్ వ్యాగన్ కారులో ఉన్న 220 కిలోల గంజాయిని పోలీసులు స్వాధీనం చేసుకన్నారు. డ్రైవర్ ను అదుపులోకి తీసుకున్నారు.
• రెండు తెలుగు రాష్ట్రాల సరిహద్దుగా ఉన్న గుంటూరు జిల్లా దాచేపల్లి మండలం అత్యంత కీలకమైనదని దాచేపల్లి తహశీల్దార్ వెంకటేశ్వర్లు నాయక్ అన్నారు. ఆంధ్ర తెలంగాణ సరిహద్దులో ఉన్న పొందుగుల చెక్​పోస్ట్​ను సందర్శించారు. రెండు తెలుగు రాష్ట్రాల మధ్య మద్యం, మట్కా, ఇతర అక్రమ రవాణా లను అరికట్టడంలో చెక్ పోస్ట్ సిబ్బంది పాత్ర కీలకమైంది అన్నారు. 24 గంటలు విధులు నిర్వహించే చెక్ పోస్ట్ సిబ్బంది నిరంతరం జాగ్రత్తతో వ్యవహరించినప్పుడే అక్రమ రవాణాలకు అడ్డుకట్ట వేయగలుగుతామని చెప్పారు.