రాష్ట్రపతిగా పదవీ విరమణ చేయనున్న రామ్నాథ్ కొవింద్ వీడ్కోలు సభ రేపు దిల్లీలో జరగనుంది. ఈ సభకు జనసేన అధినేత పవన్ కల్యాణ్కు ఆహ్వానం అందింది. కాగా.. తప్పనిసరిగా హాజరుకావాల్సిన ఈ చరిత్రాత్మక సభకు ఆరోగ్య కారణాల దృష్ట్యా వెళ్లలేకపోతున్నానని పవన్ ప్రకటన విడుదల చేశారు. అందుకు చింతిస్తున్నాని వెల్లడించారు.
రామ్నాథ్ కొవింద్ తన అయిదేళ్ల పదవీకాలంలో ఎటువంటి పొరపొచ్చాలకు తావు లేకుండా రాష్ట్రపతిగా బాధ్యతలు నిర్వర్తించటం ఆయనలోని రాజనీతిజ్ఞతకు నిదర్శనమని పవన్ కొనియాడారు. ఆయన తన సేవలను నిర్విరామంగా నిర్వర్తించాలని,ఆ భగవంతుడు ఆయనకు సంపూర్ణ ఆరోగ్య ఆనందాలను ప్రసాదించాలని మనస్ఫూర్తిగా కోరుకుంటున్నట్లు తెలిపారు. తనను సభకు ఆహ్వానించిన ప్రధాని మోదీ, అమిత్ షాకు పవన్ కృతజ్ఞతలు తెలిపారు.
ఇవీ చూడండి
