మార్చి 23, 2020న ప్రధాని మోదీ నిర్ణయంతో దేశవ్యాప్తంగా లాక్ డౌన్ అమల్లోకి వచ్చింది. కరోనా ప్రభావంతో.. వ్యాపారాలు, రవాణా... ప్రజల జీవనశైలి కూడా లాక్డౌన్ మోడ్లోకి వెళ్లిపోయింది. ఈ దెబ్బతో అన్ని రంగాలు ఒక్కసారిగా కుదేలయ్యాయి. ముఖ్యంగా.. ఈవెంట్ మేనేజ్మెంట్ పరిశ్రమలపై భారీగా పడిందని ఓ నివేదిక తెలిపింది.
ఆ నివేదికల ప్రకారం ఈవెంట్ మేనేజర్లకు ఏప్రిల్ నుంచి జులై వరకు మాత్రమే 93 శాతం ఆదాయం వస్తుందని... లాక్డౌన్ వల్ల అవి కూడా రద్దు అయ్యాయని ఆ రంగ నిర్వాహకులు వాపోతున్నారు. ఇలాంటి సమయంలో వారంతా చేతులు కలిపి.. ఈ విపత్కర పరిస్థితి నుంచి కొత్త మార్గాలను స్వీకరించాలని.. నిజమైన వ్యాపార స్ఫూర్తిని చూపించాలని నిర్ణయించారు.
ప్రపంచ ఈవెంట్ మేనేజర్ల దినోత్సవాన్ని పురస్కరించుకుని ఐఈపీఏ ఆధ్వర్యంలో ఆన్లైన్లో 50 మంది కళాకారులు కలిసి మే 31న వన్ ఇండియా కాన్సర్ట్ నిర్వహించనున్నారు. మహారాష్ట్ర, అసోం, బిహార్, కర్ణాటక, పంజాబ్.. తదితర ప్రాంతాలకు సంబంధించిన కళాకారులు పాల్గొంటారు.
ఇది కేవలం ప్రజలకు ఉల్లాస పరచడానికి అనుకుంటే పొరబడినట్లే. ఈ షో ద్వారా వచ్చే ఆదాయాన్ని కొవిడ్ కాలంలో ఉపాధులు కోల్పోయి ఇబ్బంది పడుతున్నవారికి అందజేయనున్నట్లు ఇండియన్ ఈవెంట్ ప్రొఫెషనల్స్ అసోసియేషన్ (ఐఈపీఏ) సభ్యులు సంజీవ్ దే తెలిపారు. 300 మంది కృషితో ఏర్పాటు చేసిన ఈ కార్యక్రమాన్ని విజయవంతం చేయాలని విజ్ఞప్తి చేశారు.
ఇదీ చూడండి:
