ఉమ్మడి రాష్ట్రం నుంచి నవ్యాంధ్రప్రదేశ్ వరకూ.. అనేక మంది దేవాదాయశాఖ మంత్రులుగా చేశారని.. ఎవరి హయాంలో దేవాలయాల్లోనూ ఈ విధంగా వరుస ఘటనలు జరగలేదని ఎమ్మెల్సీ బుద్దా నాగజగదీశ్వరరావు విమర్శించారు. వెల్లంపల్లి శ్రీనివాస్ దేవాదాయ శాఖ మంత్రిగా పూర్తిగా విఫలమయ్యారని మండిపడ్డారు.
రాష్ట్రంలో దేవాలయాలపై జరుగుతున్న దాడులు, వరుస ఘటనలపై మంత్రి ఎందుకు సమీక్ష నిర్వహించలేదని ప్రశ్నించారు. వెల్లంపల్లి దేవాదాయశాఖను తన సొంత ఆదాయ శాఖగా మార్చుకున్నారని బుద్దా నాగజగదీశ్వర రావు ఆరోపించారు. వెల్లంపల్లి దేవాదాయశాఖను గాలికొదిలి.. మంత్రి పదవి అడ్డుపెట్టుకుని కోట్లు సంపాదిస్తున్నారని ఆరోపించారు. ఆయనకు తన ఆదాయంపై ఉన్న శ్రద్ధ దేవాదాయ శాఖపై లేకపోవడం సిగ్గుచేటని విమర్శించారు.
ఇదీ చదవండి:
రాష్ట్రంలో తగ్గని కరోనా ఉద్ధృతి... కొత్తగా 8,835 పాజిటివ్ కేసులు
